Lüüdin keel: dialekta vai keel?

Lüüdi ono vähhäisen niku ižoran keel oli enne. Tänäpäi ižoran keeltä ei sanota karjalan tali soomen keelen dialektaks a hos ono veelä inmihisiä kummat läkäjäät sto ižora ono dialekta, ižoral ono tänäpäi oman keelen status. Lüüdin keelel ei oo oman keelen statusta Vennääs, ku sitä veelä pietää karjalan keelen dialektana seel', no Soomez sitä läkätää omaks keeleks. Lüüdiläin seegra (lüüdiks Lüüdilaine siebr) kumman teki lüüdiläin kumpa ellää Soomes läkäjää sto lüüdi ei oo karjalan keelen dialekta a sto se ono oma keel. Lüüdin keeles ono paljo elementtoja vepsän keelest a saamelaisist keelist ka. Tänäpäi lüüdin keeltä läkäjää vaa daaže 300 inmihistä emäkeelen, a ühes sitä läkäjää 3 000 inmihistä.

Ezmerkka lüüdin keelest

Lüüdikiel' libo lüüdin kiel' on kiel' libo karjalan kielen dialekt. Lüüdiš on äijäl sanaid da grammatikkad vepsas piä (lüüdi)

Lyydikieli libo lyydin kieli on kieli libo karjalan kielen murreh. Lyydis on äijän sanaloi da grammatikkua vepsästy. (karjala)